TAL AR
C'HAFE Kafe, te, chokolad,
chuk frouezh, pe me oar-me petra c'hoazh...
ouzhpenn boued korf zo ezhomm da gaout
evit kregiñ mat gant an devezh.
Abadenn kentañ an deiz eo Tal
ar C'hafe. Kaset e vez da benn gant
Gael
Morin, bemdez eus al lun d'ar
gwener, etre 7e30 ha 9e30.
Reportajoù graet war an dachenn
ba bro Gerne, kronikoù war
ar yezh pe war al lennegezh kinniget
gant tud ampart, kronikoù liorzhañ
gant ur jardinerez, kronikoù
gant bugale er skolioù, ur
pennad-kaoz disheñvel bemdez
gant tud eus ar vro ("an atersadennoù")
, levrioù, sonerezh, sinema,
gouelioù, stajoù pe
kinnigoù-labour... boued fonnus
ha liesseurt a vez degaset gant ar
skipailh.
Lusk a vez roet d'an abadenn ivez
gant ar flash keleier kinniget ingal
gant Laëtitia
Fitamant: da 8e, 8e30 ha 9e.
Da 9e10 e kinnig deomp ivez ur gronikenn
ispisializet, da c'hoûzout hirroc'h
war ar gevredigezh a-vremañ
.
Evit echuiñ e
vo lâret ur ger ivez war al
labour graet gant Gael
Hélary evit dibab sonerezh
Radio Kerne: ur programm a-feson a
vez adkavet e-barzh an holl abadennoù.
Arabat disoñjal:
Tal ar C'hafe Sadorn, bep sadorn etre
9e ha 10e15, da selaou en-dro atersadennoù
ar sizhun.
Kenweturiañ
| |
|
